ភ្នំពេញ៖ កីឡាការិនី ស្រួង ភាវី នឹងឡើងទៅវគ្គពាក់កណ្តាលផ្តាច់ព្រ័ត្រ លើវិញ្ញាសាប៊ីយ៉ាការ៉ុម ១បាំង ក្រោយយកឈ្នះគូប្រកួតកីឡាការិនីថៃ Vutthiphan Kongkaket ក្នុងលទ្ធផល៥០ ទល់នឹង២៦ នារសៀលថ្ងៃទី១២ ខែឧសភា ឆ្នាំ២០២៣ នៅផ្សារទំនើបអ៊ីអនសែនសុខ។
កីឡាការិនី ស្រួង ភាវី នឹងបន្តប្រកួតនៅវគ្គពាក់កណ្តាលផ្តាច់ព្រ័ត្រនៅព្រឹកស្អែកថ្ងៃទី១៣ ខែឧសភា ឆ្នាំ២០២៣ ជាមួយគូប្រកួតដែលនឹងប្រកួតឈ្នះឡើងទៅវគ្គពាក់កណ្តាលផ្តាច់ព្រ័ត្រនៅថ្ងៃនេះដែរ។
កីឡាការិនី ស្រួង ភាវី បានមេដាយមាសមួយទៅហើយ លើប្រភេទកីឡាប៊ីយ៉ា ស្នូកឃ័រ នៃវិញ្ញាសាប៊ីយ៉ាការ៉ុម៣បាំង កាលពីថ្ងៃទី០៨ ខែឧសភា ឆ្នាំ២០២៣ បន្ទាប់ពីឈ្នះកីឡាការិនីវៀតណាម Hong Yen Nhi Nguyen ក្នុងលទ្ធផល ២៥-២០៕
